На најпопуларната социјална мрежа на светот, „Фејсбук“, повторно кружи нов вирус кој се заканува да ги загрози профилите на сите корисници, а тие се повеќе од милијарда на број.
Вирусот се шири на тој начин што најпрво ќе ви се појави нотификација дека некој од вашите пријатели ве тагирал на некој пост, фотографија или видео запис, а откако ќе го отворите тој линк за да видите за што точно станува збор, вирусот, всушност, станува активен.
Единствено решение за да не се „заразите“ со овој вирус е да не кликнувате на ништо што има сомнително потекло, бидејќи се работи за таканаречен „порно вирус“. Главно на постовите, фотографиите и записите се наоѓаат секси разголени девојки.
Порно вирусот моментално е многу актуелен на „Фејсбук“, па од минута во минута расте и бројот на корисници кои се заразени со истиот, така што, во иднина би требало да бидете малку повеќе внимателни.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
