Денеска последното коло во Ц и Д групите, утре Македонија-Словенија

На Светското ракометно првенство во Катар денеска ќе се играат натпреварите од последното 5.коло во Ц и Д групите.

Во овие две групи, остануваат уште две слободни месата за осминафиналето, за кои ќе претендираат четири селекции.

Во директен дуел Русија и Аргентина ќе решаваат која селекција ќе им се приклучи во осминафиналето на Германија, Данска и Полска од Д групата.

Во групата Ц, во првиот меч на Исланд му е потребен триумф над Египет. Доколку натпреварот заврши без победник или со пораз на Исланд, тогаш Чешка ќе мора да ја совлада веќе отпишаната репрезентација на Алжир која досега претрпе четири порази.

Пласман меѓу шеснаесетте, од оваа група имаат обезбедено Шведска, Франција и Египет.

Комплетни двојки за денешните натпревар:

Ц група: Египет – Исланд, Алжир – Чешка и Франција – Шведска.

Табела: *Шведска 7, *Франција 7, *Египет 5, Исланд 3, Чешка 2 и Алжир 0.

Д група: Русија – Аргентина, Саудиска Арабија – Германија и Данска – Полска.

Табела: *Германија 7, *Данска 6, *Полска 6, Аргентина 3, Русија 2 и Саудиска Арабија 0.

Репрезентацијата на Македонија за место меѓу осумте најдобри селекции на светот ќе се бори со селекцијата на Словенија, во мечот кој ќе се игра во недела од 16 часот и 30 минути во арената „ Ал Сад’’.

Во истиот термин (16:30 часот) во арената „Лусаил’’ ќе играат домаќинот Катар и Австрија.

Преостанатите два осминафинални натпревари ќе се играат од 19 часот.

Хрватска која го освои првото место во Б групата во која играше и Македонија, за противник во осминафиналето ќе ја има репрезентацијата на Бразил.

Светскиот шампион Шпанија улогата на фаворит ќе треба да ја потврди во дуелот против Тунис.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.