Уапсен Индиец, кој се обидел жива да ја погребе сопствената ќерка

Индиската полиција соопшти денеска дека уапсила маж, осомничен дека се обидел жива да ја погребе сопствената девет годишна ќерка во североисточната држава Трипура, јави ДПА.

Полицијата добила сигнал од соседите, кои виделе завчера како мажот се обидува да ја погребе ќерката во дупка во задниот дел од куќата.

Според еден од соседите таткото му ги заврзал рацете на девојчето, му ја затворил устата и ја закопал до вратот.

Мажот е уапсен под обвинение за убиство со предумисла.

Девојчето е хоспитализирано во мошне тешка состојба. Мајката на детето не била во домот, досега се случувала трагедијата. Соседите изјавиле дека таткото не сакал да има ќерка.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.