Полагање без државен предлагаат и студентите од Битола

И студентите од Битола побараа да се полагаат барем третина од испитите од трета година без положен државен испит.

-Изминативе неколку денови до Министерството за образование и наука пристигнаа неколку предлози во врска со пакет измените во високото образование. Ние како студентски парламент при универзитетот „Св. Климент Охридски“ во Битола, сметаме дека предлогот да се слушаат предметите од трета година иако првиот дел од државниот испит не е положен е прифатлив за нас. Исто така, се приклучуваме кон иницијативата на другите студентски парламенти и бараме освен да можат да се слушаат предметите од третата академска година, да можат да се полагаат барем третина од нив, велат студентите.

Тие додадоа дека ценат дека со ова би се зголемила флексибилноста, така што би постоел дополнителен период како студентите би се подготвиле за државниот испит, а притоа не би заостанувале со студирањето.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.