Сув студ со сончево време се очекува и во вториот ден од 2015. Мало наоблачување, но со долги сончеви периоди, е можно во северната половина од земјата.
Според прогнозата на Метеопро минималната температура ќе има вредност околу -12° низ котлините,a на повисоките места таа ќе се спушти до околу -19°С. Малку „потопло“ утро се очекува во Гевгелиско – Дојранскиот крај, каде минималната ќе се спушти до -5°С.
Иако утрово е постудено во однос на четврток, сепак денот ќе биде малку „потопол“. Максималната температура во Македонија ќе има вредност околу -2°С низ поголем дел од котлините во источниот крај, а во западниот регион околу -4°С На југоисток максималната ќе достигне до 2°С. На повисоките места максималната температура ќе има вредност околу -10°С.
Во скопската котлина ќе биде претежно сончево и суво. Повремено е можно мало големување на облачноста.
Минималната температура ќе има вредност околу -15°С. Дневниот максимум на температурата на воздухот ќе достигне вредност само околу -2°С.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
