Стефановски најдобар спортист на Македонија за 2014, оскари и за Андонова и Лазаров

Актуелниот европски првак во автомобилизам, Игор Стефановски Иџе е избран за најдобар спортист на Македонија за 2014 година, кај дамите спортскиот оскар и припадна на Наташа Андонова, која игра фудбал за германскиот клуб Постдам, а најдобар македонски спортски репрезент во странство е ракометарот на Барселона, Кирил Лазаров.

„Им благодарам на сите што токму мене ме избраа за спортист на годината. Ова признание ми значи многу, особено што ми е доделено во Македонија. Се надевам дека ќе се радуваме на многу спортски успеси и во иднина, а јас ветувам дека ќе се потрудам повторно да бидам најдобар во Европа“ изјави Стефановски на свечената церемонија во организација на Агенцијата за млади и спорт.

Еве ја к0мплетната листа на сите наградени во 2014 година:

Спортист на годината: Игор Стефановски Иџе (автомобилизам)

Спортистка на годината: Наташа Андонова (фудбал)

Најдобар македонски спортист во странство: Кирил Лазаров (ракомет)

Најдобра федерација: Ракометна федерација на Македонија

Најдобар тренер: Жарко Ристовски (селектор на одбојкарската репрезентација на Македонија)

Најдобар машки состав: Ракометната репрезентација на Македонија

Најдобар женски состав: Карате селекцијата на Македонија

Најдобар спортист со инвалидитет: Оливера Биковска Накова (стрелаштво)

Најдобар млад спортист: Берат Јакупи (карате)

Најдобар млада спортистка: Поликсенија Јовановска (карате)

Награди за посебен придонес во спортот: Томи Стефановски (пливање), Индира Кастратовиќ (ракомет), Лино Червар (ракомет)

Истакнати личности и стопанственици со особен придонес во спортот: Минчо Јорданов (Металург) и Сергеј Самсоненко (Вардар)

Универзитетски спорт: Карате репрезентацијата на Македонија

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.