Образование на мајчин јазик меѓу пакетот предлози од албанскиот Народен правобранител

Во годишниот извештај за правата на малцинствата во Албанија, Народниот правобранител Игли Тотозани препорача подобрување на правната рамка, потоа ратификацијата на Европската повелба за регионални јазици, како и заштита од дискриминација на малцинствата. Укажувањето на правобранителот е во годината кога Македонците во неколку делови во Албанија по новата територијална поделба, со која процентуалната застапеност им е намалена, ја загубија можност за образование на мајчин јазик. Администрацијата во Тирана остана глува на барањатаза учење на мајќиниот македонски јазик.

-Постоењето на малцинствата во Албанија е историски факт. Ова постоење е признаено од државата во два вида на малцинствата, национално малцинство, вклучувајќи грчки, македонското малцинство и српско-црногорското малцинство и етно-јазични малцинства, вклучувајќи ги и влашки и ромското малцинство – го пренесуваат медиумите Тотозани.

Првата од низата препораки во извештајот е во врска со подобрување на правната рамка за заштита на малцинствата останува еден од главните прашања. Исто така потребно е да се започне и да заврши процесот на ратификација на Европската повелба за регионални и малцински јазици. Третата препорака има врска со подобрување на правната рамка за заштита од дискриминација.

Тотозани препорачува и соодветни мерки и зголемување на можностите за образованието на малцинствата, вклучувајќи го учењето на јазиците на малцинствата, унапредувањето и развојот на културниот идентитет на малцинствата. Потоа посочи на конкретни правни и административни мерки за да се подобри пристапот до домување, услугите за образование, социјални услуги и учество во јавниот живот, особено на ромското малцинство, но малцинствата и другите заедници во земјата.

Албанскиот Народен правобранител укажа и на спроведување на попис, чии што резултати и подгоТовка ќе бидат неспорните и прифатени од малцинствата и од другите заедници, со што ќе се даде вистинска слика на популацијата. Укажа и на потребата од создавање услови за зголемување на просперитетот во областите каде што живеат малцинствата и другите заедници, вклучувајќи и финансирање со посоодветен буџет за локалната самоуправа. Тотозани побара и зајакнување на улогата и активностите на сите државни институции во контекст на почитување на правата на малцинствата, особено на проширувањето на дејноста на независните институции во заштитата на човековите права и да ги поддржат со цел афирмација, признавање и почитување на човековите права на малцинствата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.