Фотографот на „Република“, Ѓорги Личовски, ја доби овогодишната награда „Жан Моне“

Фотографот на „Република“, Ѓорги Личовски, е овогодишниот добитник на наградата „Жан Моне“ за 2014 година за новинарство, професионална фотографија и аматерска фотографија. Наградата ја прими неговиот син. Личовски во моментот е на службено патување во Хрватска, каде што го фотографира женското Европско ракометно првенство.

Годинешен добитник на наградата за новинарство е слободниот новинар Синиша Станковиќ, а за најдобра аматерска фотографија Виктор Поповски.

Наградата „Жан Моне“ се доделува по 12. пат. Се состои од мали статуетки и парична награда од илјада евра за професионална најдобра фотографија, илјада евра за најдобар напис и 500 евра за најдобра аматерска фотографија. Во присуство на амбасадор Аиво Орав, наградите на добитниците им ги додели претседателот на жирито, Борис Дежуловиќ, познат хрватски новинар и добитник на европската награда за најдобра колумна.

Синот на Личовски ја прими наградата на нашиот фотограф, кој во моментов го фотографира ракометното првенство во Хрватска

Добитниците на „Жан Моне“ за 2014 година

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.