Единствената комична опера на Ричард Вагнер „Мајсторите пејачи од Нирнберг“ пристигна директно од сцената на Метрополитен!

Музичкиот директор на Мет, Џејмс Левин диригира со својата прва Ха-Де изведба на грандиозната комедија на Вагнер. Љубителите на операта ќе уживаат во прекрасната шестчасовна комична опера, директно на платното во „Синеплекс“.
МЕТ: Живо во Ха-Де продолжува со своите преноси. Оваа сабота, на 13 декември директно од сцената на МЕТ ќе биде изведена петтата опера од оваа сезона „Мајсторите пејачи од Нирнберг“, монументалната, сепак, љубовна приказна на Вагнер. Приказната се развива околу креирањето музика, напишана од страна на дрзок, самоук поет. Сценариото следи типична формула: млада љубов, која го победува наметливиот старец.
Германскиот баритон Михаел Воле ја толкува улогата на Ханс Сакс, заедно со јужноафриканскиот тенор Јохан Бота како Валтер, греманското сопрано Анет Даш како Ева, германскиот бариот Ханс-Питер Кониг во улогата на Погнер, американскиот тенор Пол Аплбај како Давид и шкотското мецо-сопрано Карен Каргил во улогата на Магдалена. Овој директен пренос, кој ќе биде истовремено прикажан во повеќе од 2.000 кино сали во 69 земји ширум светот, е дел од последната обнова на Мет продукцијата од 1993 година на Ото Шенк.

МАЈСТОРИ ПЕЈАЧИ ОД НИРНБЕРГ (Вагнер), 13 декември 2014 во 18:00ч
Диригент: Џејмс Левин, Режија: Ото Шенк, Сценограф: Гунтер Шнајдер-Симсен, Костимограф: Ролф Лангенфас, Дизајн на светло: Жил Вечслер, Улоги: Анет Даш (Ева), Карен Каргил (Магдалена), Јохан Бота (Валтер вон Штолцинг), Пол Аплбај (Давид), Михаел Воле (Ханс Сакс), Јоханес Мартин Кранзле (Бекмесер), Ханс-Питер Кониг (Погнер), Метју Роуз (ноќен стажар).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.