Поради штрајк на пилотите на „Луфтханза“, откажани 1.350 лета

Германскиот авиопревозник „Луфтханза“ откажа 1.350 лета поради штрајкот на пилотите откако преговорите меѓу нив и раководството на компанијата за условите за пензионирање не вродија со плод.

Откажувањето на летовите ќе погоди повеќе од 150 илјади патници, сопшти „Луфтханза“.

Штрајкот на пилотите е деветти од април. Со штрајкот се погодени кусите и средните летови од 12 часот по локално време до 23 часот. Подолгите летови на „Луфтханза“, како и карголетовите ќе бидат засегнати утре.

Најголемиот европски авиопревозник побара нови разговори со претставници на синдикатите.

Компанијата сака да го применува досегашниот модел на заминување во пензија, на што пилотите се противат. Во моментов тие можат да се пензионираат на 55 години и да добиваат 60 отсто од платата се до регуларната возраст за пензионирање, односно 65 години.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.