Петмина полицајци се повредени и седум демонстранти се уапсени во Атина на овогодинешната поворка на 17 ноември. Демонстрантите ја прославија 41 -годишнината од бунтот во атинската Политехника , кој довел до соборување на воената хунта во Грција (1967-1974 година ).
Тие се упатуваат секоја година кон амбасадата на САД во знак на протест против улогата на тогашните американски тајни служби во воспоставувањето на диктатурата.
Според податоци на полицијата во демонстрациите оваа година учествувале 18 илјади луѓе во главниот град и 14 илјади во Солун. Иако биле превземени мерки за безбедност и поворка во Атина била обезбедувана од околу 7.000 полицајци, сепак не поминало без насилство. Инцидентите се случиле во атинскиот кварт „Егзархија“, а до судирите и реакцијата на полицијата дошло откако група анархисти почнале да фрлаат кон полицајците од обезбедувањето со камења. Полицијата употребила солзавец и парализирачки гранати против учесниците.
Непосредно пред судирот со полицијата, демонстранти го запалиле американското и европското знаме пред амбасадата на САД.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
