Изградба на ресторани, кафе барови, тениско игралиште, кошаркарско игралиште, ергела и фонтана во населбата Злокуќани, најави кандидатот за градоначалник во општина Карпош, Стевче Јакимовски.
-Ова ќе биде едно од најубавите спортски игралишта во Скопје и она што е најбитно, граѓаните ќе имаат пригодно место за дружење,не само од овој дел на Карпош, туку за целото Скопје. Она што е најбитно е дека околу 30-на жители од овој дел од Злокуќани ќе се вработат и ќе бидат работно ангажирани за реализација токму на овој проект – рече Јакимовски.
Тој им вети на жителите на Злокуќани дека нивните живеалишта ќе имаат нови покриви и нови огради околу игралиштето. Вечерва Јакимовски ќе одржи митинг во Злокуќани.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
