Реал падна во Истанбул, Барселона и ЦСКА Москва се уште без пораз во Евролигата

Реал Мадрид го претрпе првиот пораз во новото издание на Евролигата, а „кралскиот“ клуб е сопрен во Истанбул на гостувањето кај Анадолу Ефес. Домаќините победија со 75-73 во возбудлива завршница. Метју Џенинг со кош со звукот на сирената му донесе победа на Ефес, што значеше и прв пораз за Реал Мадрид.

Триумфалниот од го продолжија Барселона со победа над Панатинаикос од 78-69 и ЦСКА Москва со успех против Лимож. Армејците со фенеоменална игра во последната четвртина направија голем пресврт и славеа со 86-76. Последните 10 минути им припаднаа на гостите со резултат 27-5.

Без услугите на нашиот репрезентативец Војдан Стојановски, Алба Берлин победи на гостувањето во Хрватска кај Цедевита со 80-67, а успех забележа и Сасари Торес на домашен терен против Жалгирис со 92-80.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.