Рама:Подобро Србија да признае дека Косово не е нејзин дел

Што порано Србија формално признае дека Косово никогаш повеќе нема да биде нејзин дел, тоа е подобро и за Србија и за регионот – рекол албанскиот премиер Еди Рама и додал дека цврсто верува дека тие тоа веќе го направиле, но не кажуваат- пренсува Асошиејтед прес.

Според неговите збориви, неговата земја и Србија мораат да се обидат да го завршат повеќедецениското взаемно непријателство, фокусирајќи се на важни прашања, како што е заедничката желба да влезат во ЕУ, а не на недоразбирањето поради фудбалскиот натпревар.

Рама истакнал дека двете земји не можат никаде да одат одвоено.

-Заедно можеме да направиме ЕУ да сфати дека Балканот за неа е значаен исто колку што и ЕУ е значајна за Балканот- рекол тој

Рама рекол дека Голема Албанија е кошмар за Србија, а никако албански проект, ниту во Албанија, ниту на Косово.

-Она што треба да не обедини е многу повеќе од она што не разделува. Ние ја сакаме Голема Европа, а не голема Албанија. Ние за тоа се бориме – рекол албанскиот премиер, пренесува агенцијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.