САД и неговите арапски сојузници покренаа нови авионски напади на џихадистите во Сирија, посебно на нафтените постројки, јави сиријската невладина организација. Тоа е вторпат во два дена нафтените постројки да бидат мета на коалцијата предводена од САД.
Нападите биле извршени во источната провинција Деир Езор и провинцијата Хасакех на североистокот на Сирија, кои и двете беа мета на вчерашниот напад, пренесува АФП.
Оваа организација за заштита на човекови права со седиште во Лондон соопшти дека во провинцијата Деир Езор биле нападнати две подрачја и дека најверојатно се погодени нафтени постројки, додека се уште не се знае што е погодено во провинцијата. Во нападот се придружила и Данска, која испратила седум авиони од типот Ф-16, а британскиот парламент одлучува дали ќе учестува во нападите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
