Кој е уапсениот за поткуп функционер на СДСМ?

Вчера беше соопштено дека приведен е Виктор Божиновски, кој се сомничи за корупција, отакако полицијата утврдила дека примил сума на евра од странка.

Уапсениот за поткуп Виктор Божиновски е кумашин со Зоран Дамјановски, и висок функционер на СДСМ, поранешен прв човек на партијата во Куманово. Тој е и поранешен директор на ЈП „Водовод“-Куманово, поставен од градоначалникот Зоран Дамјановски, кој со своето незаконско и недомаќинско работење во јавното претпријатие успеал да потроши во кафеани неверојатни 6.030.469 денари или близу 100.000 евра, што беше обелоденето и скандализирано.

Исто така, Божиновски како директор на ЈП „Водовод“- Куманово во периодот од 2010, 2011 и 2012 година не ги наплатувал побарувачките од 5 угостителски објекти во Куманово по основ на потрошена вода, геодезија и извршени проектантски услуги, туку ги компензирал со обемни ручеци и седенки со своите пријатели и соработници.

Божиновски го остави ЈП „Водовод“ од Куманово во долг од 130 милиони денари во однос на снабдувачи и на судски пресуди. Дури 50 милиони денари изнесувал долгот кон „Водостопанство“ од Куманово, претпријатие, кое морало да го потврди долгот по пат на тужба и на судска пресуда.

Токму долговите и неисплатените обврски на ЈП „Водовод“ се главната причина зошто Куманово остануваше без вода за пиење во летните периоди.

 Сето ова беше толерирано од градоначалникот Зоран Дамјановски и со обзир дека наместо тргање од општината, тој од Дамјановски беше награден со раководно место во правниот сектор на општината, многу веројатно неговиот шеф и кумашин, градоначалникот Дамјановски стои зад ова и бил добро информиран за овие случувања.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.