-Постојано сум мета на навреди и коментари поради мојата сексуална ориентација, вака Александар за Блиц.рс ја започнува својата исповед.
Александар (22) до 19 години живеел во Лесковац, каде често бил мета на малтретирање.
-Во Белград ретко се наоѓам во ситуација да се правдам и декларирам за тоа што сум додека пак во Лесковац беше поинаку. Сепак, станува збор за помал град, а луѓето често ме навредуваа и коментираа иако досега физички не сум бил нападнат, раскажува Александар. С. кој за среќа е опкружен со луѓе кои воопшто немаат проблем со фактот дека тој е хомосексуалец. Според Александар, ваквата информација за нив воопшто не е важна.
Овој млад човек долго време верувал дека неговата сексуална ориентација како и стилот на облекување е провокација за животната средина.
-Понекогаш е провокација. Во една прилика двајца млади момчиња ме бутнаа во автобус. Ги прашав што е проблемот и им објаснив дека ваквото однесување може да донесе сериозни последици. Конечно, научив да се борам за своите права, вели Александар, при тоа додавајќи дека добива поддршка од своите родители.
-Не е дека се мои, ама имам прекрасни родители. Моето семејство е малку поразлично од типичното балканско семејство. Па така, по првичниот шок, ја прифатија мојата сексуална ориентација и денес најголемата поддршка ја имам токму од нив. А кога до вас е семејството, тогаш сè е полесно, додал тој, при тоа истакнувајќи дека последната непријатна ситуација му се случила на Кнез Михаилова во Белград.
-Ми пријде група млади луѓе и почнаа да ме прашуваат и навредуваат за мојата сексуална ориентација. Кога не сакаа да се повлечат ги предупредив дека ќе викнам полиција. Да се биде геј во Србија е ризично, бидејќи за жал можеш да се најдеш во многу непријатни ситуации, како на улица, така и во автобус. Луѓето никако да сфатат дека геј популацијата не може да им го загрози животот, изјавил Александар кои е подржувач на геј Парадата на гордоста.
-Најмногу ми пречи дискриминацијата поради која немам право да ја легализирам својата заедница. Држењето за рака е најмал проблем, додал тој.
За распространетоста на предрасудите говори и видеото што покажува колку граѓаните се неинформирани и имаат предрасуди за сè што има префикс „хомо“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
