Цената на акциите на огромната кинеска компанија за електронска трговија „Алибаба“ скокна за 36 проценти на првиот ден од тргувањето на Њујоршката берза.
Во првичното тргување, цената достигна 92 долари и 70 центи по акција, а почетната цена изнесуваше 68 долари – една од највисоките во берзанската историја, јавува Гласот на Америка.
Некои од муштериите на „Алибаба“ учествуваа во традиционалното одбележување на почетокот на тргувањето со берзанското ѕвоно.
„Алибаба“ е водечка компанија за електронско тргување и управува со најголемиот пазар на Интернет во светот и за меѓународна, и за домашна трговија. На почетокот беа понудени приближно 368 милиони акции, а компанијата на берзата ќе биде означена со кратенката БАБА.
Берзанските аналитичари очекуваат кинеската електронска трговија со којашто доминира „Алибаба“ и натаму да расте рапидно. Критичарите наведуваат дека корпоративната структура на „Алибаба“ им дава на сопствениците на акции помало влијание во своите операции отколку што е вообичаено за една компанија што има акции во јавна сопственост.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
