Вредноста на вкупниот откуп и продажбата на земјоделски производи во јули годинава изнесува 1.072.337.000 денари што претставува зголемување за 7,4 проценти во споредба со јули минатата година.
Како што објави денеска Државниот завод за статистика, вредноста на откупените земјоделски производи од индивидуалните земјоделски производители е зголемена за 8,6 проценти, а продажбата од сопственото производство на претпријатијата е зголемена за 6,4 проценти.
Зголемување на вредноста на откупените и продадените земјоделски производи се забележува кај житата, овошјето, алкохолните пијалаци, живината и јајцата, млекото, млечните производи и рибата, а намалување кај индустриските, градинарските и фуражните растенија, грозјето и добитокот, говорат податоците на Статистика.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
