Меѓународната организација Амнести интернешнел денеска ги обвини џихадистите од Исламска држава за систематско етничко чистење во северен Ирак.
– Масакрите и киднапирањата кои ги врши Исламска држава се застрашувачки нови докази дека се шири бранот етничко чистење на малцинствата во северен Ирак, изјави претставничката на АИ, Донатела Ровера.
АИ ги обвини исламистите за воени злосторства, вклучително и масовни убиства и киднапирања.
Обединетите нации вчера соопштија дека во август над 1.420 луѓе се убиени, а 1.370 се повредени во Ирак. Податоците не се однесуваат на провинцијата Анбар, западно од Багдад, бидејќи ирачката Влада нема контрола над тоа подрачје.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
