Кекеновски: Црвенковски е комплетно поразен, направи „салто мортале“

– Црвенковски е комплетно поразен. Тој е оној што направи „салто мортале“ и комплетна отстапка. Се виде дека тој е политичар чие време е одамна изминато и е најобичен блефер, кој, изгледа,  само сакаше да добие поголемо внимание од меѓународната заедница. Меѓутоа, наместо внимание, мислам дека доби сериозна политичка лекција за досегашното несериозно и недржавничко однесување, каде што неговата „бетон-позиција“ стана „пепел позиција“, вели Кекеновски за „Прес 24“.

Иако опозицијата се обидува да истакне дека таа е победник, со тоа што во одредбите постои опција да се разговара за парламентарни избори, Кекеновски уверува дека тоа не е победничка, туку поразителна позиција за опозицијата

– Парламентарни избори ќе има во оној момент кога Груевски и Ахмети ќе проценат дека е најдобро за нив – вели Кекеновски.

Универзитетскиот професор денеска, два месеци по 24 декември, вели дека ако добро се анализираат состојбите пред и потоа, тогаш се појасно станува дека ова сценарио на СДСМ било одамна смислено и добро организирано, нешто што премиерот Груевски уште вечерта на 24 декември го обелодени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.