Поранешната државна секретарка на САД, Хилари Клинтон, изјави дека за подемот на исламските екстремисти во Ирак и во Сирија е виновна неуспешната американска политика на администрацијата на претседателот Барак Обама.
Клинтон рекла дека најголема грешка била одлуката на САД да не се меша во бунтот против сирискиот претседател Башар ал Асад, со што се отвориле вратите на најекстремната бунтовничка фракција во исламската држава.
– Тоа што не се создадени народни сили кои ги покренаа протестите против Асад, остави голем празен простор кој сега го пополнија муџахедини – рекла Клинтон во интервју за магазинот „Атлантик“.
Клинтон се залагала за вооружување на сириските бунтовници додека била државна секретарка за време на првиот мандат на Обама.
Американскиот претседател во четвртокот дозволи ограничени воздушни напади на екстремистичката терористичка организација ИСИЛ, но рече дека нема повторно да праќа војници во Ирак. Врелиот костен го остави во рацете на Ирачаните, кои, според Обама, треба сами да се соочат со муџахедините со формирање влада за национално единство.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
