Обама призна: Пo 11 септември мачевме некои луѓе

Американскиот претседател Барак Обама призна дека САД непосредно по нападите на 11 септември 2001 година правеле „одредени погрешни работи и ги мачеле притворените припадници на Ал Каеда“.

Тој ова го изјави, коментирајќи ја истрагата на американскиот Сенат за методите и техниките на испитување на Централната разузнавачка агенција, чии резултати треба да бидат објавени во слендите неколку недели.

Обама дополни дека е важно да се запомни колку беа преплашени Американците после 11 септември.

– Мачевме некои луѓе. Правевме работи кои се спротивни на нашите вредности – изјави американскиот претседател на прес-конференцијата во Белата куќа, која ја пренесуваше националната телевизија.

Тој истакна дека има целосна доверба во директорот на ЦИА Џон Бренан, во момент откако се појави интерен извештај на ЦИА за тоа дека таа агенција непрописно пристапувала кон компјутерите на одредени конгресмени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.