Време е за фустани со цветни дезени

Ова лето впечатливите црвени тонови и цветни дезени на фустаните ја разбиваат монотонијата на основната бела и црна боја.

Покрај дизајнираните материјали, кои во основа се од вискоза, постојат и модели што се креирани од сатен и што имаат цветови по работ на фустанот. Дел од цветните фустани што се препорачуваат за летово се куси и ја следат линијата на телото, но има и трапезно лелеави фустани.

Кога избирате материјал за летен фустан, најдобро е тој да биде природен. Лето е, па дозволено е да биде шарено, и тоа може да се комбинира со ешарпа и со чанта, која е украсена со циркони.

Таа комбинација може да ја носите на разни настани – од прослави, преку коктели, па дури и на венчавки.

Фустаните ова лето се задолжителни, а дизајнерите предлагаат големи цветови, макси фустани, но и геометриски дезени…

Макси фустанот може да биде многу романтичен, минималистички, но и со цветен дезен. Тие фустани се приспособливи за секој вид настани. Широк макси фустан во комбинација со сандали без потпетици е одличен избор за прошетка покрај море или езеро.

Ова лето фустаните со цветни дезени се толку секси што ги гледаме насекаде околу нас. Така шарени, во многу бои, даваат свежина и ведрина каде и да се појавите.

Сѐ е шарено, весело и модерно, токму како што одговара со времето. Со цветните дезени ќе изгледате весело, елегантно и нежно.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.