Претседателот на Република Македонија и Врховен командант на вооружените сили Ѓорге Иванов, министерот за одбрана Зоран Јолевски и началникот на ГШ на АРМ генерал-потполковник Горанчо Котески, во Радожда ќе ги посетат припадниците на полкот за специјални операции (пСО) на АРМ, кои на овој локалитет изведуваат обука во летни услови.
Припадниците на пСО денеска ќе изведат методско-показна тактичка вежба „Неутрализирање на непријателски пловен објект“, а ќе бидат прикажани и повеќе содржини од обуката на вода како што се: обука во нуркање, совладување на водени пречки и спасување на давеник.
Пред вежбата, како што соопшти МО, пред гостите ќе биде презентирана нуркачката опрема и друг вид опрема и вооружување за извршување на борбени дејства во вода.
Се очекува припадниците на пСО кои вежбата ќе ја изведуваат заедно со припадниците на воздухопловната бригада, да демонстрираат висок степен на обученост и извежбаност за извршување на различни задачи на вода.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
