Сон Донг е најголемата пештера во светот и се наоѓа во Виетнам.
Таа е подолга од 8 километри, во неа има џунгла и река и пред пет години беше непозната за светот. Откриена во 1991 година од локален жител, за прв пат пештерата е истражувана во 2009 година.
Малкумина имаат влезено во неа, а меѓу нив и фотографот Џон Спајс кој има направено импресивни фотографии од подземниот рај.
Веќе се започнати турите за посетители, а компанијата Оксалис (Oxalis) објави дека нема повеќе слободно место на турите предвидени за 2014 година, а распоредот за 2015 ќе биде објавен кон крајот на годината, пишува Хафингтон Пост.
Посетителите ќе имаат можност да се спуштат 80 метри со јаже за да ги истражуваат скриените убавини на ова уникатно место.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
