Две лица подоцна се пронајдени живи и префрлени се во болница, а продолжува потрагата за преостанатите 16 патници и членови на екипажот на хеликоптерот „МИ-8“, пренесуваат руските медиуми.
Властите наведуваат дека веројатно до пад на леталото дошло заради лошите временски услови.
-Според прелиминарните информации, до хаваријата на хеликоптерот на компанијата „Спар“ дошло во Терскиот реон од Мурманската област, во реонот на местото Восточноје Муозеро во акваторија на езеро – изјави претставник на оперативниот штаб на Министерството за вонредни ситуации.
Во леталото, според непотврдени податоци, имало 18 лица, од кои пет биле членови на екипажот.
„Гласот на Русија“ пренесува дека е можно во хеликоптерот да се наоѓале заменик гувернерот на Мурманската област Сергеј Скоморохов и началникот на локалниот департмент за шумарство Олег Вереникин, како и обласниот министер за животна средина Алексеј Смирнов.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
