Експерти за мини на Хрватска, Србија и БиХ ќе делуваат заеднички на неутрализирање на неексплодираните мини, кои се придвижени од минските полиња поради поплавите, јави Танјуг. Тоа е договорено на состанокот на регионалниот тим за мини, составен од експерти од три земји, кои разговараа за потенцијалните опасности од поместување на минските полиеа по поплавите кои го погодија регионот.
Регионалниот експертски тим го сочинуваат претставници на Центарот за отстранување мини во БиХ, Центарот за деминирање на Србија и Хрватскиот центар за деминирање, а се сретнаа во Спачва, во Хрватска, за да го утврдат планот на активност за отстранување на опасноста од мини предизвикани од поплави во регионот.
Веднаш по повлекувањето на водата од загрозените подрачја во БиХ, но и во Хрватска и Србија, ќе се работи на детекција на локации на кои дошло до поместување на минските полиња, изјави шефот на Центарот во БиХ Есад Атлетиќ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
