Дирекцијата за заштита и спасување денеска ќе соопшти какви се актуелните состојби со поплавите од поројните дождови што ја зафатија Македонија.
Досега, според Дирекцијата, врежите поплавија земјоделски површини во одредени региони, но не предизвикаа посериозни последици врз патиштата и мостовите, станбените и деловните објекти.
Во општина Куманово, поради засилениот дожд викендов, дошло до излевање на реката Кумановка кај селото Доброшане, при што се поплавени 20 хектари земјоделска површина, додека кај селото Довезенце е излеана Крива Река и поплавени се 10 хектари. Во општина Кочани е излеана Злетовска Река кај селото Ново Селани и поплавени се оризови полиња.
Во Крива Паланка нема излевање и поплавување на реките и водотеците, иако во саботата нивото на Крива Река и Дурачка Река било покачено. Состојбата со реките е нормализирана и стабилна. Покачено ниво на реките и водотеците завчера е забележано и во општина Радовиш, но и таму состојбата е нормализирана.
Во Штип по барање на Општината се доставени 1.000 вреќи песок за изградба на заштитен насип на бунарите кај реката Брегалница.
Дирекцијата за заштита и спасување ја следи состојбата, а нејзините одделенија се подготвени да помогнат доколку дојде до излевање на водотеците и до поплавување.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
