Книгата „My Buddy: WWII Soldiers & Sailors at Their Most Unguarded“ (во слободен превод „Моето другарче: војници и морнари од Втората светска војна во најотпуштено издание“) беше објавена од страна познатата германска издавачка куќа „Тачен“, а во неа се прикажани стари фотографии со војниците во слободно време меѓу битките.
Војниците се прикажани во опуштено издание, како се забавуваат на плажа, пливаат, се тушираат, играат игри, се сончаат…
– Помеѓу битките тие можеа да се капат во импровизирани тушеви или во реките, езерата и потоците. Можеа да пливаат или да се сончаат, или само да играат , исто како кога биле деца – вели уредничката на книгата Дајан Хенсон.
Во многу од овие фотографии, војниците се сосема голи и многу слободни меѓу себе.
Во поголемиот дел од нив преовладуваат хомоеротските моменти.
– Во тоа време, во Маринскиот корпус немаше срамежливи момци – пишува во предговорот на книгата поранешниот маринец и публицист Скоти Бауерс.
Тој пишува и дека една од најчестите игри меѓу војниците била „фаќање за задник“.
– Таа игра ја игравме кога бевме меѓу битки. Како кога бевме деца. Сите овие момци беа многу млади, помеѓу 18 и 20 години, па имавме многу „немирни“ игри, додека пливавме во океанот или реката – вели Бауерс.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
