Откриен прв случај на бруцелоза годинава во Велешко

Откриен е прв случај на бруцелоза во Велешко, информираат од ЈЗУ Центар за јавно здравје – Велес.

– Бруцелозата во последните неколку години во овој град е сведена на минимум, што е резултат на одличната соработка на Центарот за јавно здрвје-Велес со ветеринарните екипи од градот кои континуирано работат на превенција и вакцинација на стоката за сузбивање на болеста – изјави епидемиологот Билјана Трајкова, која истакна дека минатата година имало само двајца заболени, а така било и претходните неколку години.

– Само до пред седум години во овој реон годишно имаше и по 40 лица заболени од бруцелоза, што укажува дека болеста е сведена на минимум – потенцира д-р Трајкова.

Од бруцелоза најчесто заболуваат сточарите, преку стоката, главно овци и кози, но и граѓаните кои консумираат непроверени млечни производи, главно сирење.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.