Лејкерс подобри од Њујорк, Новицки ја реши Оклахома

Во некогашното големо дерби во НБА лигата, Лејкерс во „Градот на анѓелите“ ја совладаа екипата на Њујорк Никс со 127-96. Домашниот тим во третата четвртина успеа да уфрли 51 поен. Најефикасен во победничкиот тим беше Хенри со 22 поени, Јанг постигна 20, а Бејзмор 18. Кај Никс како по обичај најдобар беше Кармело Ентони со 29 поени, а Хардавеј натпреварот го заврши со 17 поени.

Одличен натпревар беше одигран во Тексас каде Далас во дербито на Западот ја победи Оклахома со резултат 128-119 по продолжение. Во победничкиот тим дури седум играчи натпреварот го завршија со двоцифрен број на поени, а најефикасен беше Новицки со 32 поена, 10 скока и 6 асистенции. Кевин Дурент постигна 43 поени и се приближи на рекордот на Мајкл Џордан по бројот на натпревари на кои постигнал 25 и повеќе поени. Ова е 36 меч за Дурант со таква статистика, а Џордан стигна до бројката од 40.

Орландо благодарение на добрата одбрана го совлада Портланд со резултат 95-85. Одличен беше Вучевиќ со 22 поени и 10 скока, додека пак Херис уфрли 25 поени и запиша 11 асистенции. Кај поразените најдобар беше Лопез со 20 поени и 13 скока.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.