Народниот првобранител Мемети – да не се злоупотребуваат децата во изборните кампањи

Народниот правобранител Иџет Мемети порача да не се вклучуваат децата во изборните кампањи. Официјалниот почеток на кампањата за претседателските и предвремените парламентарни избори е в понеделник.

– Апелот го упатувам со цел да не се повторуваат случаите од минатите изборни циклуси во кои децата беа користени во политички настани, спотови и билборди. Исто така, потсетувам дека злоупотребата на децата за политички цели се смета за кршење на нивните слободи и права, а со тоа и прекршување на сите меѓународни и домашни правила за заштита на правата на детето, се вели во соопштението од народниот правобранител.

Мемети ги повикува и медиумите да се приклучат кон овој апел, со цел одбегнување на можните злоупотреби на децата за политички цели.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.