Иванов во посета на Штип (ФОТО)

Претседателот Иванов денеска ја посети штипската населба Три Чешми, каде што се сретна и поразговара со локалното население.

Пред претседателот Иванов беа презентирани тековните инфраструктурни проекти во и околу ова населено место. Во населбата се асфалтирани две главни улици.

Жителите на Три Чешми посочија на важноста за нив од најавената изградба на автопатот Миладиновци – Штип, чијашто траса поминува во близина на нивната населба.

Исто така, Иванов ја посети населбата Баби кадешто разговараше со жителите за тековниот живот во овој град.

На средбата претставниците на локалната власт информираа за тековните инфраструктурни проекти што се реализираат во населбата и пошироко во градот.

Обновен е стадионот во населбата, уредено е едно кошаркарско игралиште, а извршено е и цементирање на десетина споредни улици и пристапни патишта во населбата.

Почнати се градежните работи за изградба на црквата „Св. Кирил и Методиј“.

Претседателот Иванов го посети и Клубот на пензионери во градот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.