Откако Барак Обама во понеделникот со смртно сериозен изглед и остар тон згрме од Белата куќа дека Русија скапо ќе ја чини „анексирањето“ на Крим и притоа најави санкции за 11 руски, украински и кримски службеници, следуваа лавина цинични и иронични рекации од луѓето кои се најдоа под санкции, кои главно вклучуваат забрана за патување во САД и блокада на имотот.
Меѓу нив е и Владислав Сурков, близок соработник на рускиот претседател Владимир Путин, кој на еден руски новинар му рече дека единствено нешто што му се допаѓа од Америка е Тупак, а за слушање рап не му треба виза. Сурков вели дека за него е голема чест што се нашол на американската црна листа, а додава дека, освен легендарниот Тупак, ги сака и поетите Ален Гинзберг и сликарот Џексон Полок.
– За да ја видам нивната работа, не ми е потребна виза. Значи, не губам ништо – рекол Сурков.
– Другар Обама, што ќе направите со тие што немаат ниту сметки во банка ниту имот во странство? Или на тоа не мислевте? – напишал Рогозин.
Директорот на Кремљ, Ашот Габрељанов, ги коментирал санкциите на телевизиската станица „Лајф њуз“, со следниве зборови: „Не само што не гризнаа некоја руска мечка, туку само ја заскокоткаа таа што сега хистерично се смее“.
Алексеј Навални, исто така, смета дека санкциите против руските службеници се смешни.
– Обама ни даде причина за смеа и само нѐ охрабри – рече Навални.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
