Францускиот министер за надворешни работи, Лоран Фабиус, изјави дека сите треба да се обидат да ѝ помогнат на Украина за да најде излез од кризата. Тој, исто така, побара Русија и ЕУ да не се конфронтираат за тоа прашање.
– Треба сите партнери, вклучувајќи ја и Русија, да ѝ помогнат на Украина – истакна Фабиус.
Според него, откажувањето на поддршката за Украина од страна на Москва би било многу сериозно.
– Украина е во Европа, но не е во ЕУ. Не треба да се конфронтираат Русија од една и ЕУ од друга страна. Украина треба да работи истовремено и со Русија и со ЕУ – нагласува шефот на француската дипломатија.
Изјавата на Фабиус е дадена во момент кога Украина е на работ на банкрот, а Русија се заканува дека ќе ја прекине финансиската поддршка.
– Треба итно да се обрне внимание на економската ситуација во Украина. Прво ММФ треба да помогне, тоа повлекува и реформи кои нема да бидат лесни – истакна Фабиус.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
