Избегната трагедија во Загреб

Кошаркарот Анте Делаш прими силен удар во градите и се здоби со повреда опасна по животот. За среќа, поголема трагедија беше избегната.

Со навремената реакција на лекарите во неделата беше избегната трагедија на кошаркарскиот натпревар од АБА-лигата меѓу Цедевита и Црвена ѕвезда.

Анте Делаш за време на натпреварот добил силен удар во градите, од што му било оштетено десното белодробно крило. Дошло до излевање крв и воздух меѓу белите дробови и ткивото, што може да биде опасно по живот.

Хрватскиот кошаркар е итно префрлен во Ургентен центар, каде што му е укажана прва помош. Делаш и натаму е на интензивна нега.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.