Незавидна положба за Кики – избираше помеѓу двете негови Александри

Двете кандидатки со најмалку гласови од публиката синоќа, беа девојките кои веќе еднаш се нашле во оваа непријатна позиција. Задачата да ја испеат својата песна за спас на крајот на четвртата емисија во живо на „Икс-фактор“ им припадна на две кандидатки од тимот на Кики Лесендриќ – Александра Брковиќ и Александра Секулиќ.

Александра Брковиќ

Во најнезавидна положба беше нивниот ментор кој мораше прв да каже која Александра сака да го напушти шоуто.

Секулиќ која во претходната емисија благодарение на жирито излезе како победник од дуелот со „H2O“, поточно Фифи и Маринела, овојпат беше послаба од својот противник.

Александра Секулиќ

Жирито гласаше дома да се испрати една од најубавите, но и вокално најслабите кандидатки во шоуто, Александра Секулиќ.

Вчера на „Икс-фактор“ кандидатите пееја песни кои самите им ги предложија на своите ментори. Единствениот наш претставник, Даниел Кајмакоски, го отвори шоуто со хитот на „One republic“ – „Counting stars“ и доби одлични коментари од жирито.

Редовното препукување помеѓу Кристина Ковач и Жељко Јоксимовиќ вчера и не беше толку забележливо колку несогласувањата помеѓу двете женски судии – Кристина и Емина.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.