Македонскиот репрезентативец Стефан Ристовски во вистинско време го постигна својот прв гол за Латина во втората италијанска лига, победнички во 93 минута против Емполи. Латина славеше со 2-1, а радост во битката за евентуален настап во бараж дуелите за влез во Серија А донесе токму Македонецот.
Мечот беше возбудлив, а сите голови паднаа во последните петнаесетина минути. Најпрво Тавано во 75. минута му донесе предност на гостинот, на Емполи, а израмни Џеферсон 240 секунди подоцна. Во самиот финиш на сцена стапи Ристовски и со удар со глава постигна победнички гол за Латина.
По 22 кола, Латина со 33 бода е осмопласирана, позиција што е последна која води во доплнителните квалификации за евентуален пласман во Серија А.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
