Различни прикаски на Брисел и на Бихаќка

Ми­сте­ри­оз­но­ста на по­се­та­та на Бри­сел ја рас­ту­ри­ја ма­ке­дон­ски­те ме­ди­у­ми. Со­ци­јал­де­мо­кра­ти­те му­дро ја кри­е­ја по­се­та­та по по­ка­на на Фи­ле, но не­кој ги осу­е­ти. Се снај­доа и пу­шти­ја со­оп­ште­ние, иа­ко по­доц­на од Европ­ска­та ко­ми­си­ја. Вто­ри­от ден ре­ши­ја да оди­гра­ат на си­гур­но, за­тоа и по­ми­наа ча­со­ви пред да да­дат ка­ква би­ло ин­фор­ма­ци­ја за раз­го­во­рот со Фи­ле. Из­др­жаа „ма­шки“ не­кол­ку ча­са, но проб­ле­мот на­ста­на ко­га ли­фе­ру­ва­но­то од Би­ха­ќка се спо­ре­ди со со­оп­ште­но­то од Бри­сел. Раз­ли­ки­те беа го­ле­ми, не­ба­ре ве­ста ја пра­ве­ле двај­ца со­се­ма раз­лич­ни до­кто­ри за из­вр­ту­ва­ње од ма­ке­дон­ски спро­ти­ста­ве­ни пар­тии. Проб­ле­мот е што ЕК не е ма­ке­дон­ска пар­ти­ја, ни­ту Бри­сел е поз­нат по та­кви дејс­тва.

Мистериозен молк цели пет часа по средбата

Еден од нај­важ­ни­те фа­кто­ри во пла­си­ра­ње­то на ве­ста е вре­ме­то. Овој пат СДСМ че­ка­ше це­ли пет ча­са од раз­го­во­рот во ЕК до ко­неч­но­то об­ја­ву­ва­ње на со­оп­ште­ни­е­то за сред­ба­та ме­ѓу За­ев и Фи­ле. Очиг­лед­но, би­ло по­треб­но мно­гу вре­ме за ли­де­рот и не­го­ва­та за­ме­нич­ка да ги сре­дат сво­и­те им­пре­сии од раз­го­во­рот со евро­ко­ме­са­рот и да ѝ со­оп­штат на ма­ке­дон­ска­та јав­ност за што се збо­ру­ва­ло. Оби­ди­те на но­ви­на­ри­те на два до три ча­са по сред­ба­та да кон­та­кти­ра­ат со За­ев за­вр­ши­ја со СМС: „Не сум во зем­ја­ва, ќе ве ба­рам по­доц­на“. А си­те зна­е­ја де­ка тој не е во Ма­ке­до­ни­ја, ту­ку во Бел­ги­ја?! На по­врат­на­та СМС де­ка го ба­ра­ат за сред­ба­та со Фи­ле, За­ев од­го­во­ри кра­тко и јас­но де­ка не­ма да има из­ја­ви и ќе сле­ду­ва пар­ти­ско со­оп­ште­ние. Зо­што ли­де­рот не са­ка­ше да да­де ба­рем те­ле­фон­ска из­ја­ва за за­ин­те­ре­си­ра­ни­те ме­ди­у­ми? Сле­ду­ва­ше од­би­ва­ње­то на дво­е­цот од Би­ха­ќка да да­де из­ја­ва за до­пис­ни­кот на Ма­ке­дон­ска­та ин­фор­ма­тив­на аген­ци­ја (МИА) од Бри­сел, единс­тве­ни­от сер­вис од ва­ков вид кај нас. И по­крај си­те оби­ди, за­штит­ни­ци­те на но­ви­на­ри­те, кои ка­ко те­ма пред Фи­ле ја на­мет­наа и сло­бо­да­та на ме­ди­у­ми­те, од­би­ја да да­дат из­ја­ва за исти­те тие ма­ке­дон­ски ме­ди­у­ми. И спо­ред нај­а­ве­но­то, сле­ду­ва­ше чи­сто, пре­ра­бо­те­но пар­ти­ско со­оп­ште­ние за слу­чу­ва­ња­та, ама мно­гу по­и­на­кво од тоа на Бри­сел…

Заев тврди едно, Филе нагласува друго…

Ако ја пог­лед­не­те при­каз­на­та на СДСМ за слу­чу­ва­ња­та во се­ди­ште­то на Уни­ја­та, ќе до­би­е­те впе­ча­ток де­ка на сред­ба­та ме­ѓу Фи­ле и За­ев, ко­ја не бе­ше тет а тет са­мо по­ра­ди ос­но­ва­ни­от страв на но­ви­от ли­дер да би­де сам, глав­на те­ма би­ле Из­бор­ни­от за­ко­ник и раз­гра­ни­чу­ва­ње­то на пар­ти­ја­та од др­жа­ва­та?! Ов­де се наг­ла­су­ва и стра­вот од пред­вре­ме­ни пар­ла­мен­тар­ни из­бо­ри. Ова е ос­нов­на­та сли­ка за сред­ба­та што мо­же да се до­бие од со­оп­ште­ни­е­то од Би­ха­ќка.

До­кол­ку го пог­лед­не­те из­ве­сту­ва­ње­то од кан­це­ла­ри­ја­та на Фи­ле, пак, при­каз­на­та е со­се­ма по­и­на­ква. Кај не­го глав­ни­те мо­мен­ти што ги наг­ла­су­ва СДСМ се на мар­ги­ни­те, бу­квал­но на кра­јот на со­оп­ште­ни­е­то. Кај Фи­ле пр­ва и ос­нов­на е по­тре­ба­та од по­до­бру­ва­ње на по­ли­тич­ки­от ди­скурс во зем­ја­та и важ­но­ста од на­ци­о­на­лен кон­сен­зус за за­ед­нич­ка­та цел – ин­те­гра­ци­ја на зем­ја­та. Ова тој му го пре­нел на За­ев. Ко­га се ра­бо­ти за сред­ба со ли­дер на опо­зи­ци­ја­та, и ова е ка­жа­но по неа, а за ди­скурс или раз­го­вор се по­треб­ни ми­ни­мум двај­ца, јас­но е до ко­го е по­ра­ка­та и кој тре­ба да ра­бо­ти на сво­е­то по­ли­тич­ко од­не­су­ва­ње. Вто­ра ра­бо­та е на­ци­о­нал­ни­от кон­сен­зус за ЕУ. Зо­што не­кој тре­ба да ви го наг­ла­си ова до­кол­ку не­ма мно­гу се­ри­оз­на по­тре­ба од кон­сен­зус?

След­на­та ра­бо­та па­ѓа ди­рект­но врз пле­ќи­те на опо­зи­ци­ја­та. Се ви­ка спро­ве­ду­ва­ње на Мар­тов­ски­от до­го­вор. Единс­тве­на­та ре­че­ни­ца во ди­ре­ктен го­вор пре­не­се­на од Фи­ле е след­на­ва: „Ко­га ќе се спро­ве­де по­ли­тич­ки­от до­го­вор од 1 март, Ко­ми­си­ја­та ќе би­де под­го­тве­на да го под­др­жи ре­форм­ски­от про­цес пре­ку при­стап­ни­от ди­ја­лог на ви­со­ко ни­во, а вла­сти­те ги охра­бру­вам да оста­нат по­све­те­ни на спро­ве­ду­ва­ње­то на ре­фор­ми­те и да про­дол­жат со по­до­бру­ва­ње на до­бро­со­сед­ски­те од­но­си“. Се­то ова со ак­цент во со­оп­ште­ни­е­то на ЕК де­ка Фи­ле го наг­ла­сил ка­жа­но­то.

И по­крај тоа што спро­ве­ду­ва­ње­то на до­го­во­рот се на­мет­на ка­ко нов ус­лов, по­себ­на­та те­жи­на на ре­че­ни­ца­та ја да­ва фа­ктот што ток­му Фи­ле е тво­ре­цот на Мар­тов­ски­от до­го­вор, а ви­стин­ски­от проб­лем е што овој факт што се наг­ла­су­ва во на­пи­ша­но­то од ЕК во­оп­што го не­ма кај СДСМ, ка­ко да не се збо­ру­ва­ло за тоа. Мо­же­би не ја раз­бра­ле по­ра­ка­та на евро­ко­ме­са­рот. А, мо­же­би, тоа би­ло и ос­нов­на­та при­чи­на за сред­ба­та…

Кои идеи мо­же да ги да­дат За­ев и Ше­ке­рин­ска?

Ни­ков­ски: Те­шко мо­же да се ка­же што точ­но пред­ла­га­ле на­ши­те прет­став­ни­ци во Бри­сел на сред­ба­та со Фи­ле, ме­ѓу­тоа од тоа што го зна­е­ме, од тие ра­бо­ти што го­ре-до­лу се пре­циз­ни во вр­ска со ста­во­ви­те на со­ци­јал­де­мо­кра­ти­те за овој проб­лем, мис­лам де­ка тре­ба да има­ се­ри­оз­на за­гри­же­ност. На при­мер, тие, спо­ред тоа ка­ко јас ги раз­би­рам, сме­та­ат де­ка мо­же­ме да ја ме­ну­ва­ме ре­фе­рен­ца­та за трај­но име за ме­ѓу­на­род­но ко­ри­сте­ње. Тоа е по­губ­на со­лу­ци­ја, по­губ­но ре­ше­ние, кое, во су­шти­на­та зна­чи ер­га ом­нес са­мо на ра­ти, од­нос­но на ета­пи. Ка­ква би­ло на­ша сог­лас­ност за про­ме­на на име­то на др­жа­ва­та, за ка­ква би­ло упо­тре­ба, зна­чи ка­пи­ту­ла­ци­ја. Да не за­бо­ра­ви­ме де­ка во мо­мен­тот ко­га ние би при­фа­ти­ле ед­но та­кво ре­ше­ние, кое ни го су­ге­ри­ра­ат, пред сè, Аме­ри­кан­ци­те: Еве ќе ја сме­ни­ме ре­фе­рен­ца­та, ќе ве ос­ло­бо­ди­ме од неа, но вие ќе да­де­те сог­лас­ност за трај­но име, од тој мо­мент единс­тве­ни Ма­ке­дон­ци за све­тот ќе би­дат тие два и пол ми­ли­о­на из­мис­ле­ни во Гр­ци­ја. Си­те при­да­вки, имен­ки и гла­го­ли, исто та­ка, ќе би­дат грч­ки. Ма­ке­дон­ски, ма­ке­дон­ска, ма­ке­дон­ско: и ја­зик и исто­ри­ја и кул­ту­ра и сè… и про­из­во­ди. Спо­ред тоа, ако раз­мис­лу­ва­ња­та и во Бри­сел и на на­ша­та опо­зи­ци­ја би­ле на та­ква ос­но­ва, тоа е го­ле­ма гре­шка и мис­лам де­ка ќе има те­шки пос­ле­ди­ци.

СДСМ по­сто­ја­но ве­ли де­ка Вла­да­та во­ди тај­на дип­ло­ма­ти­ја во пре­го­во­ри­те за име­то, а се­га го пра­ви ток­му тоа за што об­ви­ну­ва. Ка­ко го об­јас­ну­ва­те ова?

Ни­ков­ски: Во прин­цип, ва­кви проб­ле­ми не се ре­ша­ва­ат со јав­на дип­ло­ма­ти­ја, ту­ку е нуж­но и не­из­беж­но таа да би­де тај­на и под ма­са, што сè до­де­ка не се нај­де не­кое ре­ше­ние што ќе би­де при­фат­ли­во и кое ќе мо­же да се ста­ви на ма­са. Да не за­бо­ра­ви­ме де­ка проб­ле­мот ево­лу­и­ра­ше со Аме­ри­кан­ци­те, кои ба­раа од нас де­ба­та, јав­на де­ба­та, и тоа во не­кол­ку на­вра­ти. Тоа ни го по­вто­ри и Ри­кер, ни го по­вто­ри и Во­лерс и Ах­ме­ти го при­фа­ти тоа… Ни­миц при пос­лед­на­та по­се­та на Ма­ке­до­ни­ја, де фа­кто, ги отво­ри кар­ти­те, што е ап­со­лут­но над­вор од не­го­ви­от ман­дат, и ја отво­ри таа де­ба­та. Мис­лам де­ка тоа не ѝ од­го­ва­ра на Ма­ке­до­ни­ја, на­про­тив, тоа би би­ло са­мо обид да се под­го­тви на­ро­дот за ка­пи­ту­ла­ци­ја. Зна­чи, од таа глед­на точ­ка, тоа што опо­зи­ци­ја­та не об­ја­ву­ва ни­ка­кви еле­мен­ти мо­же да се сме­та за по­зи­тив­но. Иа­ко, би­деј­ќи се ра­бо­ти за су­штин­ско и клуч­но пра­ша­ње за др­жа­ва­та, ако не­ма­ат ка­ква би­ло ко­ор­ди­на­ци­ја со вла­ста, со дру­ги­те по­ли­тич­ки фа­кто­ри во зем­ја­та, тоа е не­при­фат­лив на­чин на при­од, од­нос­но на раз­го­во­ри во Бри­сел.

Филе бара прекин на бојкотот на работната група

Ко­га сме кај Мар­тов­ски­от до­го­вор, до­се­гаш­ни­те ре­зул­та­ти се јас­ни. Дек­ла­ра­ци­ја­та за ин­те­гра­ци­и­те во ЕУ е пот­пи­ша­на, опо­зи­ци­ја­та се вра­ти во пар­ла­мен­тот, го пре­ки­на и бој­ко­тот на из­бо­ри­те, а но­ви­от бој­кот на Бо­жик не бе­ше во до­го­во­ре­но­то, ни­ту бе­ше оче­ку­ван. Се­пак, нај­ва­жен дел од Мар­тов­ски­от до­го­вор е ра­бот­на­та гру­па за на­ста­ни­те од 24 де­кем­ври, чи­ја­што ра­бо­та по­сто­ја­но ја оп­стру­и­ра ток­му СДСМ. Пр­во проб­ле­мот бе­ше во из­бо­рот на пре­тсе­да­те­лот, кој тре­ба­ше да би­де од нив­ни­те ре­до­ви, за по­тоа и тој да си да­де оста­вка, иа­ко ед­на не­де­ла пред тоа из­ја­ви де­ка се при крај со зак­лу­чо­ци­те. По­тоа има­ше но­ви стра­сти и рас­пра­вии за не­ка­ко да се про­дол­жи со ра­бо­та­та. Та­ка сѐ до нај­но­ви­от бој­кот на неј­зи­на­та ра­бо­та во сеп­тем­ври 2013 го­ди­на, ко­га ка­ко при­чи­на се на­ве­де ап­се­ње­то на Ми­рос­лав Ши­по­виќ. И та­ка ве­ќе че­ти­ри ме­се­ци ра­бот­на­та гру­па е бој­ко­ти­ра­на и не функ­ци­о­ни­ра… А неј­зи­на­та важ­ност е наг­ла­се­на и во из­ве­шта­јот на Европ­ска­та ко­ми­си­ја и во зак­лу­чо­ци­те на Европ­ски­от со­вет.

Те­ло­то тре­ба­ше да до­не­се зак­лу­чо­ци за тоа што, на­ви­сти­на, се слу­чи­ло на 24 де­кем­ври и да да­де пре­по­ра­ки со кои ќе се спре­чи по­вто­ру­ва­ње­то на ва­кви­те на­ста­ни во ид­ни­на. Ва­ка, пак, глав­на­та по­ен­та на Мар­тов­ски­от до­го­вор оста­ну­ва не­функ­ци­о­нал­на, а не­го­ви­от тво­рец без по­е­ни од сра­бо­те­но­то. Мо­же­би Фи­ле и не го бо­ли тол­ку раз­ни­ша­ни­от кре­ди­би­ли­тет на Европ­ски­от со­вет, кој и по пет пре­по­ра­ки на ЕК не ѝ да­ва да­тум за пре­го­во­ри на Ма­ке­до­ни­ја, по­ве­ро­јат­но го бо­ли фа­ктот што во­оп­што не функ­ци­о­ни­ра тоа што тој го соз­да­де во март. Евро­ко­ме­са­рот, кој пред сред­ба­та на ли­де­ри­те на ЕУ во де­кем­ври 2013 го­ди­на емо­тив­но и јав­но по­ба­ра на­со­ки за Ма­ке­до­ни­ја и др­жа­ви­те-член­ки да ка­жат што пла­ни­ра­ат со др­жа­ва­та, ве­ро­јат­но не­ма по­тре­ба од вна­тре­пар­ти­ски проб­ле­ми, кои са­мо му ги отеж­ну­ва­ат ра­бо­та­та и цел­та.

Наг­ла­су­ва­ње­то на Фи­ле и на ЕК на по­тре­ба­та од спро­ве­ду­ва­ње на Мар­тов­ски­от до­го­вор е ја­сен по­ка­за­тел за мо­ти­ви­те на по­ка­на­та. Ис­чез­ну­ва­ње­то, пак, на Мар­тов­ски­от до­го­вор од со­оп­ште­ни­е­то на СДСМ е уште еден факт за ва­кви­те твр­де­ња.

Повикан сам, а заминаа двајца

Ин­фор­ма­ци­и­те на „Ре­пуб­ли­ка“ од Бри­сел по­со­чу­ва­ат де­ка ли­де­рот на СДСМ бил по­ви­кан да дој­де сам кај евро­ко­ме­са­рот Фи­ле во Бри­сел. По­ка­на­та не го со­др­же­ла име­то на Ше­ке­рин­ска. Се­пак, не­си­гу­рен на по­ле­то на евро­ин­те­гра­ци­и­те, За­ев по­ба­рал при­сус­тво на пот­пре­тсе­да­тел­ка­та, ка­ко по­ра­неш­на ше­фи­ца на овој се­ктор во Вла­да­та на СДСМ. Таа не мо­же­ла да го од­бие ли­де­рот, ни­ту, пак, ЕК мо­же­ла да го од­бие ба­ра­ње­то за неј­зи­но при­сус­тво, а во мно­гу ра­бо­ти таа „по­мог­на­ла“ и да не­ма из­ја­ви по сред­ба­та со евро­ко­ме­са­рот. По­во­дот за ва­кви­от че­кор, освен по­треб­но­то вре­ме за обра­бо­тка на ин­фор­ма­ци­и­те од сред­ба­та со Фи­ле, наг­ла­су­ва­ње­то на по­треб­ни­те и на­ма­лу­ва­ње на ми­ни­мум на тие за Мар­тов­ски­от до­го­вор ка­ко ус­лов, и ис­чез­ну­ва­ње на дел од раз­го­во­рот, би­ле не­кол­ку­те пос­лед­ни ин­терв­јуа на За­ев за МТВ, „24 ве­сти“ и за „Ал­сат“, по кои дол­го се рас­ка­жу­ваа не­го­ви­те га­фо­ви…

„Стар“ рецепт на СДСМ за решение на спорот со Грција

Тоа што најм­но­гу го вчу­до­ви­де ма­ке­дон­ски­от ау­ди­то­ри­ум е ре­че­ни­ца­та од со­оп­ште­ни­е­то на За­ев спо­ред ко­ја тој му пре­до­чил на Фи­ле не ед­но, ту­ку не­кол­ку ре­ше­ни­ја за спо­рот за име­то со Гр­ци­ја. Проб­ле­мот за кој по­го­ле­ми­от дел од гра­ѓа­ни­те во др­жа­ва­та сме­та­ат де­ка е не­реш­лив, исто­вре­ме­но и клу­чен сег­мент во пе­тго­диш­на­та бло­ка­да на ма­ке­дон­ски­те ин­те­гра­ции во ЕУ, а за НАТО вле­гу­ва­ме во ше­ста­та го­ди­на, очиг­лед­но не е тол­ку те­шко да се ре­ши на Би­ха­ќка, ка­де што по фи­о­ки­те се кри­јат еден куп ре­ше­ни­ја… „Нотиравме неколку идеи како би можело да се случи тоа за, секако, да конвергираме до конечната цел, да се најде решение. Но, секако, очекуваме дека тоа што зависи од Република Македонија, пред сè од нас како политички партии од власта, секако и од опозицијата, ќе биде решено и надминато“, се ве­ли во со­оп­ште­ни­е­то на ли­де­рот на СДСМ. Мно­гу­ми­на во збо­ро­ви­те на За­ев го пре­поз­наа во­ка­бу­ла­рот на Ше­ке­рин­ска, ко­ја оста­на поз­на­та по ка­жа­но­то де­ка проб­ле­мот со Гр­ци­ја мо­же да го ре­ши за шест ме­се­ци. Го при­фа­ти ли За­ев рокот на пот­пре­тсе­да­тел­ка­та, чи­е­што ан­ти­на­ци­о­нал­но ин­терв­ју за „Евро­а­ктив“ во 2013 го­ди­на мо­ра­ше да го по­бие со но­ви­от нап­лив на па­три­о­ти­зам за име­то, кој беше не­својс­твен за не­го во 2008 го­ди­на. Ос­нов­но­то пра­ша­ње е зо­што, до­кол­ку има тол­ку мно­гу ре­ше­ни­ја за же­шки­от проб­лем со име­то, За­ев не ѝ ги со­оп­шти на ма­ке­дон­ска­та јав­ност?

Про­фе­сор­ка­та Та­ња Ка­ра­ка­ми­ше­ва сме­та де­ка оваа двој­на по­ли­ти­ка е сè по­о­чиг­лед­на и за ма­ке­дон­ски­те гра­ѓа­ни, кои мо­жат да про­це­нат што е по­ли­тич­ка ре­ал­ност, а што про­ѕир­на при­каз­на, ко­ја не мо­же да по­ми­не ни­ту на па­зар, а не, пак, во ЕУ.

– За сре­ќа, гос­по­ди­нот Фи­ле е до­бро за­поз­на­ен со по­ли­тич­ки­те слу­чу­ва­ња во РМ, мно­гу до­бро знае ка­де се за­пи­ра­ат про­це­си­те, кои се на­мет­на­ти ка­ко до­маш­на за­да­ча на др­жа­ва­та, мно­гу до­бро знае што е суд­ски про­цес ка­де што по­стои до­ка­жан кри­ми­нал, а што по­ли­тич­ко али­би за нес­про­ве­ду­ва­ње пре­зе­ме­ни и до­го­во­ре­ни об­вр­ски, и мно­гу до­бро му е поз­на­та по­ли­ти­ка­та на кла­сич­ни по­тка­жу­ва­чи во ос­нов­но учи­ли­ште, кои за да му се дод­во­рат на клас­ни­от ра­ко­во­ди­тел и за са­мо тие да до­би­јат пе­тка, ќе ги по­га­зат ин­те­ре­си­те на си­те свои со­у­че­ни­ци. Ова од­не­су­ва­ње не мо­же да ѝ се при­пи­ше на ни­ту ед­на зре­ла опо­зи­ци­ја би­деј­ќи во не­го не­ма тро­шка кон­стру­ктив­ност и се­ри­оз­ност. Ако гос­по­ди­нот За­ев, ка­ко ли­дер на СДСМ, има идеи за тоа ка­ко да се прид­ви­жат европ­ски­те ин­те­гра­тив­ни про­це­си во зем­ја­ва, нор­мал­но е и ло­гич­но да се оче­ку­ва ако ве­ќе не са­ка со вла­ста, пр­во да ги спо­де­ли со ма­ке­дон­ска­та јав­ност за да ви­ди ка­кво е неј­зи­но­то мис­ле­ње, па по­тоа да оди во Бри­сел и да ба­ра европ­ска под­др­шка – ве­ли Ка­ра­ка­ми­ше­ва.

Требаше ли посетата да остане скришна?

Мо­же­би, до­кол­ку не бе­ше осу­е­те­на на­ме­ра­та, во Ма­ке­до­ни­ја не­ма­ше ни­ту да збо­ру­ва­ме за сред­ба­та на За­ев и на Ше­ке­рин­ска со Фи­ле. Еден ден пред за­ми­ну­ва­ње­то во Бри­сел, ни­кој не ни зна­е­ше за по­ка­на­та на евро­ко­ме­са­рот. СДСМ му­дро мол­че­ше за па­ту­ва­ње­то на чел­ни­ци­те. Ве­ста пр­ви ја об­ја­ви­ја ин­тер­нет-пор­та­ли­те, но не „нив­ни­те“, кои во по­не­дел­ни­кот ра­но на­у­тро поч­наа со ин­фор­ма­ци­ја­та де­ка За­ев со пот­пре­тсе­да­тел­ка­та оди на т.н. ра­порт во Бри­сел, но не и кај ко­го. СДСМ не ре­а­ги­ра­ше. По­тоа дој­де ве­ста на МИА, од исти­от но­ви­нар ко­му За­ев и Ше­ке­рин­ска во втор­ни­кот од­би­ја да му да­дат из­ја­ва во Бри­сел, во ко­ја порт­па­ро­лот на Фи­ле, Пе­тар Ста­но, на офи­ци­јал­но­то ин­фор­ми­ра­ње на но­ви­на­ри­те во Европ­ска­та ко­ми­си­ја му по­твр­ди де­ка Фи­ле утре­ден­та се срет­ну­ва со За­ев. Пре­сот бе­ше точ­но нап­лад­не, а по ова на Би­ха­ќка мо­раа да ре­а­ги­ра­ат со ку­со со­оп­ште­ние де­ка ќе има сред­ба, но, се­пак, ди­рект­но Бри­сел ја по­твр­ди ве­ста. Проб­ле­мот бе­ше што ре­а­ги­раа це­ли два ча­са по прес-кон­фе­рен­ци­ја­та во Бри­сел. На твр­де­ња­та за „ра­порт“ во Бри­сел, отка­ко ста­на јас­но де­ка, се­пак, одат та­му – ре­а­ги­раа по це­ли шест ча­са. Ло­гич­но­то пра­ша­ње е да­ли по­сто­е­ше на­ме­ра за зат­скри­ва­ње на сред­ба­та, или пак, за „бом­ба­стич­но“ из­не­на­ду­ва­ње на ма­ке­дон­ска­та јав­ност со нив­на­та сред­ба со Фи­ле. Има мно­гу тол­ку­ва­ња, но иг­но­ри­ра­ње­то на но­ви­на­ри­те во Бри­сел и на тие од Ма­ке­до­ни­ја, ре­ак­ци­ја­та со шту­ро со­оп­ште­ние што доц­не­ше не­кол­ку ча­са и не­до­сти­гот од клуч­ни­те фа­кти наг­ла­се­ни во до­пи­сот на Фи­ле, збо­ру­ва­ат са­ми за се­бе…

Пишува: Љупчо Цветановски
Фото: Република
(Текст објавен во 71. број на неделникот Република, 10.01.2014)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.