Фифи се искара со Маринела Џогани

Синоќа публиката гласаше за тоа дуото „H2O“ да продолжи понатаму со натпреварувањето во „Икс-фактор“. Македонскиот претставник Филип Јаневски Фифи и неговата партнерка Маринела Џогани, повторно добија добри коментари од жирито, кое смета дека тие се одличен спој.

Сепак, вчера Маринела призна дека и не е баш така лесно да се работи во дуо, посебно со Фифи. Таа вели дека неделата им поминала во расправии, главно поради тоа што Фифи не го испеал својот дел од песната на Кристина Агилера како што вежбале на пробите.

Но, несогласувањата засега не се сериозни и се сосема нормални, имајќи предвид што тие се постојано заедно.

Мала замерка за Фифи околу тоа колку неподготвен доаѓа на пробите имаше и неговата меснторка Кристина Ковач, која на крајот на настапот беше најзадоволна со своето дуо.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.