Повеќе од милион патници на македонските аеродроми во 2013

Над милиони патници минатата година ги користеле услугите на македонските аеродроми што претставува зголемување за 17, 4 проценти во споредба со 2012 година.

-Поволните авиобилети во текот на минатата година ги искористија голем број на патници кои патувале до и од некоја од овие дестинации, а очигледен доказ за зголемување на обемот на патници е тоа што во текот на 2013 година од аеродромите во Република Македонија се регистрирани вкупно 1.059.588 патници, што претставува пораст на бројот на патници во однос на 2012 година од 17.4%. Во 2013 година, аеродромот „Александар Велики“ во Скопје доби награда од Меѓународниот аеродромски совет за најдобар аеродром во Европа во 2012 по квалитет на услуги – истакна министерот Јанкиевски на денешната прес-конференција, давајќи отчет за сработеното во изминатата година.

Во текот на минатата година реализирани се и осум нови дестинации од страна на нискобуџетската компанија „Визер“,  а и влезе во сила спогодбата за воздушен сообраќај со Соединетите Американски држави. Исто така, утврден е и текстот на Спогодбата помеѓу Владата на Република Македонија и Владата на Канада за воздушен сообраќај, со што се отвораат вратите и поедноставуваат процедурите за авио-компаниите од овие земји да оперираат и во Македонија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.