Македонија може да бара отстапки од Албанија за македонското малцинство

Со вистински постапки можно е македонските власти да издејствуваат отстапки за македонското малцинство во Албанија, смета професорот по меѓународна политика Денко Малески.

Со вистински постапки можно е македонските власти да издејствуваат отстапки за македонското малцинство во Албанија, смета професорот по меѓународна политика Денко Малески, пренесува „Алфа ТВ“.

Од Албанија треба да се бара да го третира македонското малцинство како што Македонија го третира албанското. Според Малески, две земји кои се во клубови како ЕУ и НАТО треба да соработуваат врз основа на принципите кои се користат таму: решавање на проблемите преку постојан, ако треба и секојдневен контакт и без заострување на односите.

Партијата Достоинство реагира на најавеното укинување на општината Пустец во Албанија. Смета дека е непропорционален одговор кон македонското малцинство таму, ако се земе предвид дека во Македонија се направени големи отстапки кон албанското малцинство во територијалното прекројување.

Предлог законот на албанската влада кој е доставен до парламентот е сите општини со помалку од 20 илјади жители да се припојат кон соседните поголеми. Тоа ќе ги избрише општините на македонското и на другите малцинства во Албанија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.