Државната комисија за спречување на корупција (ДКСК) и Мисијата на ОБСЕ во Скопје денеска на јавна дебата ќе ги презентираат резултатите од истражувањето за перцепцијата на граѓаните за корупцијата во локалната самоуправа и резултатите од квалитативната анализа на антикорупциските мерки во секторот локална самоуправа од Државната програма за превенција и репресија на корупцијата и судирот на интереси 2011-2015.
Локалната самоуправа, владините институции, граѓанските организации и медиумите ќе можат да ги споделат своите размислувања за ова истражување, како и заклучоците и препораките од квалитативната анализа за антикорупциските мерки во локалната самоуправа.
Свое обраќање на дебатата ќе имаат претседателот на Комисијата, Ѓорги Сламков, и шефот на Мисијата на ОБСЕ, амбасадорот Ралф Брет.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Град Скопје повика на дебата за изградбата на гасоводот на Водно, запрена е изградбата
-
ГРЕКО: Македонија спровела само шест од 19 препораки за борба против корупцијата, резултатите разочарувачки
-
Антикорупционерите на одмор: Нема кој да отвори предмет за грантовите
-
Тридневна дебата, книжевна вечер, музика во Даут Пашин-амам
