ИЛО: Расте бројот на непријавени работници во Југоисточна Европа

Во извештајот „Глобални трендови на вработување во 2013 година“ се истакнува дека бројот на работници на црно е во пораст во сите земји од регионот, но најмногу во Хрватска, во Албанија и во Косово.

– И покрај континуираното подобрување на главните показатели на пазарот на труд, широко распространетото и се поприсутното нерегуларно вработување укажува на тоа дека е влошен квалитетот на вработување, се истакнува во соопштението на ИЛО.

Бројот на нерегуларно вработени лица во Албанија и во Косово од 2000 до 2010 година од 30 порасна на 35 проценти, додека во Хрватска е забележан пораст од 21 на 33 проценти.

Во Црна Гора и во Србија забележен е пораст на работниците на црно од 17 на 19 отсто, во Македонија од 20 на 21, додека во Босна и Херцеговина тој процент од 20 се искачил на 23.

Во „Глобални трендови на вработување во 2013 година“  се посочува дека во ЈИЕ во периодот од 1999 до 2012 година зголемен е и бројот на работници кои живеат во домаќинства во кои дневно се трошат од четири долари по член на семејство пораснал за 25 отсто.

Во моментот 4,6 проценти од работниците во регионот припаѓаат на категоријата екстремно или умерено сиромашни бидејќи живеат во домаќинства во кои по член на семејството дневно се трошат помалку од два долари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.