Не си фраер ако немаш лав (фото)

Додека во некои земји доказ за богатство (и сомнителните зделки) е визба полна со препарирани животни, некои отидоа чекор понатаму.

Се чини дека фотографирањето со скапи автомобили, бродови и јахти веќе не е доволно за богатите млади од арапските земји.

Поточно, новата забава е фотографирање со лавови покрај скап автомобил или, пак, возење на јахта во друштво на гепард.

Во секој случај, големите мачки така станаа новиот статусен симбол на локалните богати луѓе, а од ден на ден на „Инстаграм“ има сѐ  повеќе слики од златната младина, која на тој начин го покажува своето богатство. Или глупост.

Хумаид Албукаиш  така стана ѕвезда на „Инстаграм“ со преку 250.000 следбеници, а неговиот профил е полн со фотографии со новото милениче. Не се знае како тој дошол до богатството, но на сите им стави до знаење дека „спие на пари“.

– Купување скапоцени животни покажува дека тие можат да имаат сѐ што ќе посакаат. Доколку припитомат диво животно, какво што е лавот, покажува дека тие се храбри. Сепак, тоа не е храброст, станува збор за повреда на правата на животните – рече Али и додаде дека само во 2010 година во Обединетите Арапски Емирати се запленети повеќе од 200 нелегални животни (лавови, тигри , пантери , гепарди и хиени ).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.