Се продаваат реквизити од „Господар на прстените“

Реквизити од снимањето на трилогијата на „Господар на прстените“ се понудени на аукција во Лос Анѓелес. Меѓу работите за кои ќе се наддаваат обожувателите ќе се најдат мечот на Фродо, магичниот стап на Гандалф и хобитски стапала.

Се проценува дека хобитските стапала би достигнале цена од 10 илјади до 21 илјада евра, мечот го проценуваат на 150 илјади, а стапот на Гандалф околу 50 илјади евра.

-Поминаа скоро десет години откако во кината се појави првиот дел од трилогијата, а за тоа време само неколку работи се продадени на аукција- вели Мартин Нолан, директор на аукциската куќа.

Тој очекува сите предмети на аукцијата да бидат продадени за цена поголема од еден милион евра.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.