Барселона ќе менува голман следното лето, Валдес го напушта Камп Ноу

Голманот на Барселона, Виктор Валдес, најави заминување од Камп Ноу, следното лето кога му завршува договорот со каталонскиот клуб.

Валдес кој има 31 година, веќе 10 сезони е прв голман на гигантот од Барселона, а според најавите ќе ја менува средината во која е речиси 20 години.

„Единицата“ на лидерот во шпанското првенство не беше дел од триото Меси, Чави и Иниеста кое доби нови подобрени договори во Барселона и оттаму се претпоставките дека е незадоволен од третманот. Претседателот на Каталонците, Сандро Росел, вели дека ќе се обиде да ја промени одлуката на Валдес.

-Ние би сакале Виктор да ја продолжи кариерата во Барселона. Вратите во клубот остануваат отворени за него – вели Росел.

Валдес со Барса освои пет титули во Шпанија, и три круни во Лигата на шампионите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.