Од следната недела СДСМ се враќа во собраниските клупи. Ваквов договор паднал на вчерашната координација на паратеничката група со Извршниот одбор на партијата. Како што пишува Дневник, одлуката не била едногласна и имало противење на дел од пратниците кои сметале дека треба да се почека епилогот на Комисијата за 24 декември.
Сепак, по 8 месеци бојкот, социјалдемократите донеле конечна одлука од понеделник да се вклучат во работата на законодавниот дом, а веќе поднеле и амандмани кои ќе ги бранат пред комисиите. Се најавува и нивно учество на пленарните седници.
Вкавиот развој на настаните навестува дека Комисијата за 24 декември до петок ќе си ја заврши својата работа и ќе го усвои финалниот извештај. Дненвик пишува дека пратениците на СДСМ побаралае од централата никако да не се прифаќа делење на одговорноста со владејчакото мнозинство и да се инсистира комисијата да утврди, прекршување на Уставот.
Неофицијално ВМРО-ДПМНЕ бара кривична одговорност за нападот врз претседателот на Собранието како и за нередите пред законодавниот дом
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
