Македонската кошаркарска репрезентација доживеа убедлив пораз од Литванија на пријателскиот натпревар во салата Борис Трајковски во Скопје. Сепак, крајниот резултат од 62-50 воопшто не ја претставува вистнската слика од теренот, затоа што Македонија водеше до средината на последната четвртина, кога гостите од Литванија успеаја да направат пресврт кој на крајот им донесе убедлива победа.
Нашите репрезентативци во четвртиот период од натпреварот имаа очајно лош процент на реалзирани шутеви за три поени што придонесе за конечните минус 12.
Во првите три четвртини тимот на Алеш Пипан покажа солидна игра, а на моменти имавме предност и над десет кошеви разлика.
Да се надеваме дека македонската репрезентација ќе извлече поуки и ќе ги корегира грешките од вечерашниот пораз до почетокот на европското првенство во Словенија кое почнува на 4 септември.
На полувремето од натпреварот раководството на кошаркарската федерација на Македонија им додели благодарници на кошаркарите кои беа дел од првиот официјален натревар во македонскиот национален дрес пред 20 години.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
